Sarritan marrazten hasi eta nahi gabe beharrezkoak ez diren detaileak gehitzen ditugu. Adibide bat:
Teorian zuzena den kale bat, oker ikusten da
Editorea zabaldu eta tartean puntu gehiegi dagoela ikusten dugu
Sinplifikatu eta ezabatu ditzagun tarteko nodoak, lasai!
Orain bai, kalea txukun azalduko zaigu
Badira hainbat aste Eusko Jaurlaritzak bere datu geografikoak askatu zituela, tartean WMS-a. Orain artean ez gara larregi ausartu berau erabiltzera, batez ere hainbat metro mugituta agertzen delako. Baina Asier Sarasuak posta-zerrendan argitu digu nola konpondu daitekeen.
WMS-aren helbidea:
http://www1.euskadi.net/wmsconnector/com.esri.wms.Esrimap?ServiceName=WMS_Euskadi_CBase&REQUEST=GetMap&VERSION=1.1.1&SRS=EPSG:4326&SERVICE=WMS&LAYERS=Orto 2009&FORMAT=image/png&
Gogoan izan “source = GeoEuskadi” etiketa gehitu beharra dagoela lizentziarekin bateragarria izateko.
Ondorengo bideo honetan jarraitu beharreko pausuak azaltzen ditugu (audio akatsak barkatu!):
Badaezpada, gogoratzearren, hona hemen berriz ere jarraitu beharreko pausuak:
Orain zenbait aste B5M-tik inportazioak egiten jardun genuen hainbat erabiltzailek. Oso normala ez bada ere, litekeena da zerbitzariko nodoak bikoiztea.
Nola? B5M-k atariak bateratu egiten ditu zenbait kasutan. Irudian Donostiako Kale Nagusia eta Portu kalea ikus ditzakegu. Atariak bata bestearen gainean agertzen ziren. OSMrentzako bikoiztutako nodoak dira horiek.
Beste aukera bat. Lezoko atariak OSMko zerbitzarira igotzen nenbilela interneteko konexioak huts egin zuen. Datuak OSMra igo ote ziren ziurtatu gabe, berriz igo nituen. Emaitza: atari guztiak bikoiztuta zeuden.
OSMn dauden bikoiztutako nodoak ikusteko sartu webgune honetan. Beheko irudian Korsikan bikoiztuta dauden nodoak ikus ditzakegu, nodo bakoitzaren gainean gurutze gorri batekin.
Hego Euskal Herrian ez dago bikoiztutako nodo larregi, Iparraldean bai.
Bikoiztutako nodoen auzia kontuan izan beharreko zerbait da OSMra inportazio handiak egitea nahi dugunean. Lehenago zer dagoen begiratu behar dugu, igo behar dugunarekin alderatu eta garbiketa lanak egin.
Demagun puntu, lerro edota segmentu baten historia ikusi nahi dugula, hau da, lehenagoko bertsioetatik zein aldaketa egon den edota zein erabiltzailek egin zituen.
Bi forma erraz daude historia ikusteko:
Potlatch-en (openstreetmap.org webgunean editatzea zuzenean):
JOSM editorean:
EuskalMapa posta-zerrendara bidalitako mezua artikulu bilakatu dugu.
OpenStreetMap-en hamaika gauza gehitu daitezke kale eta errepideetaz gain. Horietako bat autobus-ruta edota autobus-bideak dira.
Bide hauek ez dira zerotik marrazten, izan ere, existitzen diren errepide eta autobus-geltokiak erabiltzen dira, hauek erlazio batean gehituz.
Ondorengo bideoan autobus-bide bat gehituko dugu:
Erlazio horri ondorengo etiketak gehitu behar zaizkio (lehen biak derrigorrezkoak, gainerakoak kasuan kasukoak jarri behar):
Ondorengo wiki honetan informazio gehiago daukazue etiketa hauek direla eta.
Eta hau guztia nola ikusten den? Begira bideoan ikusi dugun Eibar-Arrate ibilbidea edota Donostian gehitutako autobus-bide hau hemen behean:
Eta … gero zer? Ba gehitu ditugun autobus-bide horiek renderizazio berezi batean ikusi ahal izango ditugu, hala nola mapa honetan.
Atzo Ketarik bideo xelebre honekin harritu gintuen:
Bideoa tresna interesgarria izan daiteke datuak jasotzeko, irudiak eta ahotsa bateratzen dituela. Honi GPS bat gehituko bagenio, sekulako informazio interesgarria izango genuke.
Eta ez da bakarra halako kontuetan dabilena. Ondorengo erabiltzaile kanadar honek antzerako zerbait egiten du. Bere kasuan, segundo gutxian argazkiak ateratzen dituen kamera darama soinean.
Orain aste batzuk komentatu genizuen photo mapping edota argazki-mapeoaren tankerako zerbait.
Mapa-jai bat antolatzera bagoaz, edota herri bat mapeatzera goazenean, komenigarria izaten da mapan egingo diren hobekuntzak dokumentatzea. Hori egiteko modu erraz bat OSM-n maparen irudi pare bat ateratzea da, bat datu-bilketa egin aurretik eta bestea datuak igo ostean.
Aurreko astean Zumaian izan nintzen. Jasotako datuak OSMra igo aurretik maparen pantaila irudi bat atera nuen. Egia da OSMko permalink-ari esker lan hau ere egin daitekeela, baina aipatuko dugun sistemarekin irudi txukunagoak lor daitezke.
Pausu hauek jarraitu nituen nire Ubuntu ordenagailuan (Windows-en ere egin daiteke, baina Perl instalatua eduki behar da):
1. Joan zaitez OSMn mapeatu behar duzun lekura. Sakatu saguaren eskumako botoian, eta egin klik “Kopiatu irudiaren helbidea” aukeran.
2. Sartu webgune honetan eta itsatsi lehen kopiatu duzun irudiaren helbidea (irudian beltzez inguratua dagoen kutxatxoan); ondoren, egin klik “Bidali eskaera” aukeran.
3. OSMren mapa ikusiko dugu atzealdean orain. Hainbat aukera dauzkagu, eskuratu nahi dugun irudia lekuz aldatu, handitu, txikitu, mugitu, etab. Bukatzen dugunean, egin klik “Perl” loturan eta gorde fitxategia.
4. Fitxategi hori gure ordenagailuan gorde da, zoaz bertara eta aldatu ezazu bera, programa bezala exekutatzeko baimena emanaz.
5. Orain, ireki zure ordenagailuko Terminala (Windows-en CMD), zoaz deskargatutako fitxategia dagoen karpetara eta idatzi hau: ./mkmap.pl > osm20091116.png
Listo! Atera duzu irudia. Begira Zumaian egindako lana aurreko eta ondorengo irudiak ikusiz:
Argazkiak.org | Zumaia – mapeatu aurretik © cc-by-sa: mikel
Argazkiak.org | Zumaia – mapeatu ondoren © cc-by-sa: mikel
Bi tresna erabilgarri erakusten dizkizuegu gaur, Geofabrik-en Map Compare eta Sauter-en transparent map comparison. Biek helburu bererako balio digute: mapak alderatzeko. Geofabrik-en Map Compare-en bi mapak aldi berean ikusten ditugu:
Sauter-enean berriz mapak bata bestearen gainean ikusi ahal ditugu, bata oinarrian eta bestea geruza moduan:
OpenStreetMap-en lana egiteko lagungarri den beste erreminta bat erakutsiko dizuegu gaurkoan: Walking Papers.
Janire Arriaga, gure lankide markinarrak, lagundu digu oraingo honetan bere herriko mapa hobetzen. Yahoo-ren irudiei esker kaleak eta errepideak marraztuak genituen, baina bertako informazioa falta zitzaigun. Horretarako Walking Papers erabili dugu. Hemen argibide gehiago:
1. Sartu Walking-papers.org webgunean, aukeratu mapeatu nahi duzun lekua eta sakatu “Make” botoia, ondoren maparen PDF-a jaitsi ahal izango duzu.
2. Inprimatu PDF hori eta hasi paper horretan datuak jasotzen. Begira Janirek nola egin zuen:
3. Ondoren, eskaneatu mapa hori, segi berriz ere Walking papers webguneko Upload atalera eta igo bertara eskaneatutako mapa hori. Aplikazioak irudia prozesatzen duenean ID konkretu bat emango dio, ez itxi nabigatzaileko orri hori, laster itzuliko gara eta.
4. Ireki JOSM editorea.
5. Walking Papers plugin-a edukitzea beharrezkoa da. Zoaz JOSMko hobespenen atalera eta gehitu ezazu (JOSM berrabiarazteko eskatuko dizu).
6. Ireki berriz ere JOSM eta jaitsi OpenStreetMap-en zerbitzaritik mapeatu nahi duzun eremuko datuak, kasu honetan markinakoak.
7. Egin klik menu nagusian dagoen Walking Papers aukeran eta gehitu lehen eskaneatu duzun mapa horrek duen ID-a (Walking Papers webguneak eman diona).
8. Geruza moduan eskaneatu dugun dokumentua agertuko zaigu, horren gainean hasi gaitezke mapa editatzen.
Hona lehen nola zegoen Markina OpenStreetMap-en:
Eta orain nola geratu den:
|
| Harpidetu EuskalMaparen posta-zerrendara |
| Artxiboa ikusi |
Posta-zerrendan izena ematean Google-eko kontu bat eskatuko dizu, ez badaukazu, kudeatzaile batek zuzenean harpidetu behar zaitu. Hori bada zure kasua, bidali mezu bat helbide honetara: mlizarralde (a bildua) tagzania.com (Mikelen eposta helbidea).
