Mapa-jaia « Euskal Mapa

Mapa-jaia

Mapa-jaia — No Comments
22
Oct 09

Beasaingo mapa sortzen

Atzo goizean Beasaingo mapa sortzen ibili ginen Txindoki-Alkartasuna institutuko ikasleekin batera. Atzo arte, oso itxura tristea zeukan Beasainek OpenStreetMap-en.

Ikasle taldeari OpenStreetMap-eko azalpenak eman genizkien eta herriko datuak jasotzera joan ginen.

Datu mordoa jaso genituen, bai kaleak zein interes guneak. Pixkat xaxatzeko asmotan Ordizian egindako mapa ederra erakutsi genien. Gero ezin izan genituen datu guztiak igo eta tagzaniarrok errematatu dugu lana. Itxura polita dauka Beasaingo mapak orain:

Eskerrak eman nahi dizkiogu Joseba irakasleari, baita Jokin Lacalleri (Jolaus) ere, berak jarri gintuelako harekin kontaktuan.

Mapa-jaia Andoainen

Aurreko larunbatean, urriak 3, mapa-jaia antolatu genuen Tagzaniarrok Arraytxikikoekin batera Andoaingo Itzalagunean. OSMren ebangelizazio apur bat egin genuen eta ondoren JOSM editorea nola erabili azaldu. Mapan ez zen hobekuntza gehiegi ere egin, orain Gorkaren esku uzten dugu hobekuntza horiek egitea.

Hona hemen egindako lanaren animazio bat (mapa-jaiaren aurretik eta ondoren):

animation

Andoaingo ebentuko argazki pare bat.
Andoaingo mapa OpenStreetMap-en.
Erabilitako aurkezpena Slideshare webgunean.

Euskal Mapa / Mapa-jaia — 2 Comments
7
Oct 09

Bilboko mapa-jaia Aprendices taldearekin

Pasa den ostiralean, urriak 2, Deustuko unibertsitatean bildu ginen Aprendices taldeko hainbat partaiderekin OSM ezagutzera eman eta JOSM editorea erakusteko. Hamabost lagun ingururen aurrean eman genituen azalpenek arrera ona izan zuten.

animation_bilbao_party(2)

Bilboko mapan hobekuntza txikiak eman dira, baina espero dugu gerturatu zirenen artean bolondreseen bat edo beste egotea bertako maparekin lanean jarraitzeko asmoarekin.