Aste honetako Nick dut Nik saioko erreportajeetako batean geokokapena eta OpenStreetMap izan genituen mintzagai. Hemen bideoa:
Grabaketa Getxoko mapa jaia egin zenean burutu genuen. Eskerrik asko emandako aukeragatik Nick dut Nik!
Euskal Mapa
27
Jan 10
JOSM ikastaroko kronika
Hamabost bat lagun gerturatu ziren pasa den ostiralean Tagzaniaren bulegora. Giro polita izan genuen eta guztiei eskertu nahi dizuegu gurera etorri izana. Oso balorazio ona egiten dugu, bereziki, geroz eta interes gehiago dagoelako gure inguruan OpenStreetMap dela eta.
Ikastaroaren hasieran aurreko urteko kronika eta 2010. honetarako desioak eskatu genituen. Argi daukagu desio nagusia maparen kalitatea hobetzea dela, eta horretarako mapazale gehiago erakarri behar ditugu proiektura eta datu publikoak erabil ahal izan behar dugu. Pixkanaka komunitate sendo bat eratzen ari gara, horixe da mapa on bat izateko lehen pausua.
Hona hemen grabatu genituen hainbat irudirekin egindako bideoa:
Eskerrak eman nahi dizkiegu Josu Mendicute, Asier Sarasua eta Urtzi Azkueri errealizazio, grabaketa eta musikagatik, hurrenez hurren.
Facebook-eko EuskalMaparen taldean hainbat argazki ikus daitezke.
11
Jan 10
B5M-ko datuak erabiltzen
Gipuzkoako Foru Aldundiak bere datu geografikoak askatu izanak hainbat ondorio ditu, horietako bat, edonork datu horiekin jolastu eta erabilpen berriak ematea da.
EuskalMaparen posta-zerrendan eman dute ezagutzera bi erabiltzaile abilek B5Mren datuekin egindakoa.
Asier Arsuagak WMS helbide berriak lortu ditu, eraikinak eta planimetria erakutsiz.
Hona hemen JOSM-n Zumarraga nola ikusten den B5M-ren WMS irudi normalarekin:
Eta hemen berriz B5M-ren eraikinen WMS-arekin:
Bestalde, Asier Etxebestek B5M-tik Arrasateko atari edota pegoren inportazioa egin du. Hona hemen Arrasateko maparen irudi bat:
B5M-ren datuen liberazio honi esker, OSM-ko Gipuzkoako mapa izugarri hobetzen ari da.
Eguneraketa (2010-01-13): Asier Arsuagak WMS gehiago lortu ditu B5M-tik eta OSMren wikian jarri ditu Luistxok.
14
Dec 09
OpenStreetMap ETB-ren Teknoflash atalean
Aurreko asteburuan ETBren Teknoflash atalean OpenStreetMap izan zituzten hizpide, mapa-jaiak (egindakoak zein egingo ditugunak), erabiltzaileak eta abar.
Eskerrik asko ekimena zabaltzen laguntzearren!
9
Dec 09
Posta-zerrenda
Posta-zerrenda bat sortu berri dugu Euskal Herrian OpenStreetMap-en gabiltzan lagunen artean komunikazioa eta koordinazioa areagotzeko asmoz. Bertan, zalantzak, iradokizunak eta ekimenak iragarri ahal izango dira.
Bertan izena emateko, hemen beheko kutxatxo honetan sartu zure Google kontua. Ez badaukazu Google konturik bidali mezu bat mlizarralde (a bildua) tagzania.com helbidera (Mikelen eposta helbidera).
 |
| Harpidetu EuskalMaparen posta-zerrendara |
| Artxiboa ikusi |
Jakin ezazu sarean badaudela beste posta-zerrenda batzuk OSM dela eta: gaztelerazkoa edota ingelesezko garrantzitsuena.
26
Nov 09
Euskal Herriko maparen egoera
Euskal Herria zer nola mapeatuta dagoen galdetzen digutenean, ez da erraza erantzun zehatz bat ematea. Zenbait eremu oso ondo ageri dira OpenStreetMap-en, beste asko ondo edota erdizka, eta asko ez dira ageri ere egiten.
Ondoren erakusten dizuegun taula honetan Euskal Herrian 10.000 biztanle baino gehiago dauzkaten herri eta hiriak agertzen dira, taulan, lekuaren biztanle kopuruaz gain, OSMra loturak eta maparen egoera agertzen dira.
Zerrenda honetako herrietatik OSM-n okerren daudenak hauek dira: Angelu, Arrasate, Arrigorriaga, Baiona, Barakaldo, Basauri, Durango, Erandio, Galdakao, Gernika, Lasarte, Laudio, Leioa, Lizarra, Mungia, Oñati, Sopela eta Trapagaran.
| Amorebieta-Etxano | 17,197 | http://osm.org/go/b@kVvcfb | Oso ondo |
| Andoain | 14,105 | http://osm.org/go/b@mXFRrmz- | Ondo |
| Angelu | 36,800 | http://osm.org/go/b@n5ysKi | Ez dago |
| Arrasate | 21,869 | http://osm.org/go/b@kP3S61 | Eskax |
| Arrigorriaga | 12,206 | http://osm.org/go/b@O@DG7m | Eskax |
| Azkoitia | 10,701 | http://osm.org/go/b@k2ymth | Ondo |
| Azpeitia | 13,814 | http://osm.org/go/b@k8S3_U | Erdizka |
| Baiona | 44,300 | http://osm.org/go/b@n7T7yp | Erdizka – Eskax |
| Barakaldo | 96,446 | http://osm.org/go/b@PpECJB | Eskax |
| Barañain | 21,021 | http://osm.org/go/b@j0oi3S– | Ondo |
| Basauri | 43,282 | http://osm.org/go/b@O@WVKg | Ez dago mapan |
| Beasain | 12,755 | http://osm.org/go/b@kt6nWF | Ondo |
| Bergara | 14,627 | http://osm.org/go/b@kxhMOn | Erdizka |
| Bermeo | 16,789 | http://osm.org/go/b@lQqr8f | Erdizka |
| Bilbo | 351,179 | http://osm.org/go/b@PomaZO– | Erdizka – hobetzen |
| Burlata | 17,164 | http://osm.org/go/b@j2nTU7 | Ondo |
| Donibane Lohizune | 13,247 | http://osm.org/go/b@nnE_FN | Erdizka |
| Donostia | 180,657 | http://osm.org/go/b@nDbb4m– | Oso ondo – osatze bidean |
| Durango | 27,925 | http://osm.org/go/b@kcElZP– | Eskax |
| Eibar | 27,227 | http://osm.org/go/b@ke56slR- | Oso ondo – osatzen bidean |
| Elgoibar | 10,767 | http://osm.org/go/b@k1kXzu | Ondo |
| Erandio | 23,844 | http://osm.org/go/b@PpHKp9 | Eskax |
| Ermua | 16,174 | http://osm.org/go/b@kexWuX9- | Erdizka |
| Errenteria | 37,748 | http://osm.org/go/b@nJaT189– | Oso ondo – osatzen bidean |
| Galdakao | 29,073 | http://osm.org/go/b@O@zfaE | Eskax |
| Gasteiz | 229,668 | http://osm.org/go/b@hXgtAm– | Oso ondo – osatzen bidean |
| Gernika-Lumo | 15,981 | http://osm.org/go/b@lDwdSV | Eskax |
| Getxo | 81,254 | http://osm.org/go/b@PmtGl1– | Erdizka |
| Hendaia | 14,041 | http://osm.org/go/b@nO_hj8– | Erdizka |
| Hernani | 18,866 | http://osm.org/go/b@nCwZbq | Erdizka – ondo |
| Hondarribia | 15,958 | http://osm.org/go/b@nO0ppw | Erdizka – ondo |
| Irun | 60,331 | http://osm.org/go/b@nOh6Y3 | Erdizka – ondo |
| Iruñea | 183,964 | http://osm.org/go/b@j2JRAn– | Ondo |
| Lasarte-Oria | 17,432 | http://osm.org/go/b@nCQZ1Y | Eskax – erdizka |
| Laudio | 18,389 | http://osm.org/go/b@O5Ze1M | Ez dago mapan |
| Leioa | 29,018 | http://osm.org/go/b@PpUdF8 | Eskax |
| Lizarra | 13,024 | http://osm.org/go/b@jFqGIH | Eskax |
| Miarritze | 30,055 | http://osm.org/go/b@n5NZrB | Ondo |
| Mungia | 15,275 | http://osm.org/go/b@Puwuft | Eskax – erdizka |
| Oñati | 10,647 | http://osm.org/go/b@klhelQ | Ez dago mapan |
| Pasaia | 15,943 | http://osm.org/go/b@nJWVg2 | Ondo |
| Portugalete | 48,274 | http://osm.org/go/b@PjzU3@ | Ondo |
| Santurtzi | 46,935 | http://osm.org/go/b@Pj1R7g | Ondo |
| Sestao | 29,583 | http://osm.org/go/b@Pj4GsF | Ondo |
| Sopela | 12,031 | http://osm.org/go/b@PtBKvf | Ez dago mapan |
| Tafalla | 10,274 | http://osm.org/go/b@i1_gQX | Erdizka |
| Tolosaldea | 17,666 | http://osm.org/go/b@mRaX66 | Ondo |
| Trapagaran | 12,389 | http://osm.org/go/b@PjNYpz- | Eskax |
| Tutera | 29,918 | http://osm.org/go/b_3zpBQe | Erdizka |
| Zarautz | 22,095 | http://osm.org/go/b@lqdzPT | Ondo – oso ondo |
| Zizur Nagusia | 11,639 | http://osm.org/go/b@jx5cIS– | Erdizka |
Azterketa hau era errazean burutu nahi genuen, egin kontu Euskal Herriko herri, auzo edota txoko guztiak aztertu behar izan bagenitu egunak edota asteak behar izango genituela, beraz, ongi-esanak onartu eta gaizki-esanak barkatu 
.
Badira herri eta eskualde txikiagoak lana behar dutenak, hala nola, Lekeitio, Bermeo, Zumarraga, Urretxu, Legazpi, Lazkao edota Arabar Errioxa.
Eta… zure herria zerrenda honetan agertzen ez bada?
Ba sartu OpenStreetMap-en webgunean eta begiratu ezazu, inork ez du zure herria zuk bezain ondo ezagutuko. Zuk zeuk ikusi ondo edota gaizki dagoen.
Eta… zure herria gaizki mapeatuta badago, zer?
Hasi OSM-n datuak editatzen. Wikian behar beste informazio daukazu ingelesez (nola demontre gida bat prestatu beharra daukagu, eman denbora pixka bat).
Ez baduzu piperrik ere ulertu, zatoz Arrasaten eta Getxon antolatuta dauden mapa-jaietara, bertan ikasiko duzu nola hobetu zure herriko mapa. Edo bestela, jarri gurekin harremanetan eta lagunduko dizugu zure herrian mapa-jai bat antolatzen.
25
Nov 09
Irratia.Com-en elkarrizketa
Orain gutxi elkarrizketatu dute Irratia.com-eko lagunek Mikel tagzaniarra. Entzungai dago jada audioa Irratia.com-en webgunean. Eskerrak eman nahi dizkiegu OpenStreetMap eta mapa-jaien inguruan solasteko aukera ematearren.
19
Nov 09
Halabedi irratian elkarrizketa
Atzo arratsaldean Halabedi irratiko lagunek ondorengo elkarrizketa egin zioten Tagzaniako Mikeli OpenStreetMap-i buruz. Audioan, ostiral honetako Alegiko mapa-jaia antolatzen duen Txintxarrisferako Iñigo entzun ahal izango duzue.
16
Nov 09
OSM-en egindako lana dokumentatzen
Mapa-jai bat antolatzera bagoaz, edota herri bat mapeatzera goazenean, komenigarria izaten da mapan egingo diren hobekuntzak dokumentatzea. Hori egiteko modu erraz bat OSM-n maparen irudi pare bat ateratzea da, bat datu-bilketa egin aurretik eta bestea datuak igo ostean.
Aurreko astean Zumaian izan nintzen. Jasotako datuak OSMra igo aurretik maparen pantaila irudi bat atera nuen. Egia da OSMko permalink-ari esker lan hau ere egin daitekeela, baina aipatuko dugun sistemarekin irudi txukunagoak lor daitezke.
Pausu hauek jarraitu nituen nire Ubuntu ordenagailuan (Windows-en ere egin daiteke, baina Perl instalatua eduki behar da):
1. Joan zaitez OSMn mapeatu behar duzun lekura. Sakatu saguaren eskumako botoian, eta egin klik “Kopiatu irudiaren helbidea” aukeran.
2. Sartu webgune honetan eta itsatsi lehen kopiatu duzun irudiaren helbidea (irudian beltzez inguratua dagoen kutxatxoan); ondoren, egin klik “Bidali eskaera” aukeran.
3. OSMren mapa ikusiko dugu atzealdean orain. Hainbat aukera dauzkagu, eskuratu nahi dugun irudia lekuz aldatu, handitu, txikitu, mugitu, etab. Bukatzen dugunean, egin klik “Perl” loturan eta gorde fitxategia.
4. Fitxategi hori gure ordenagailuan gorde da, zoaz bertara eta aldatu ezazu bera, programa bezala exekutatzeko baimena emanaz.
5. Orain, ireki zure ordenagailuko Terminala (Windows-en CMD), zoaz deskargatutako fitxategia dagoen karpetara eta idatzi hau: ./mkmap.pl > osm20091116.png
Listo! Atera duzu irudia. Begira Zumaian egindako lana aurreko eta ondorengo irudiak ikusiz:
Argazkiak.org | Zumaia – mapeatu aurretik © cc-by-sa: mikel
Argazkiak.org | Zumaia – mapeatu ondoren © cc-by-sa: mikel